Avropa İttifaqı: "Türkiyəyə ehtiyacımız var" mesajı

Avropa İttifaqının (Aİ) Türkiyə Nümayəndəliyinin rəhbəri, səfir Aivo Orav, bir sıra Aİ üzv dövlətlərinin səfirləri ilə birlikdə Trabzona səfər edib. Onlar Trabzon valisi Tahir Şahinlə görüş keçiriblər. Görüş zamanı səfir Orav valilik şərəf dəftərini imzalayıb və daha sonra Trabzon Böyükşəhər Bələdiyyə Başçısı Ahmet Metin Genç ilə də müzakirələr aparıb.

Minval.info xəbər verir ki, səfir Orav, Trabzonda çox yaxşı qarşılandıqlarını bildirərək, şəhərin güclü kimliyi və dinamik quruluşu ilə təsirli tarixi bir yer olduğunu vurğulayıb. O, “Bize her yer Trabzon” ifadəsinin burada geniş istifadə edildiyini qeyd edərək, Trabzonda olma təcrübəsini yaşamağa gəldiklərini bildirib.

Aİ və Türkiyə münasibətlərinin yalnız Ankara və Brüssel ilə məhdud olmadığını deyən Orav, bu münasibətlərin şəhərlər, işgüzar dairələr, cəmiyyətlər və insanlar arasında qurulduğunu qeyd edib. O, “Türkiyənin Aİ-ə namizəd olması və dünyada baş verən hadisələrdən dolayı münasibətlərimiz xüsusilə əhəmiyyətlidir. Türkiyənin Aİ-yə, Aİ-nin də Türkiyəyə ehtiyacı var. Ticarətdən enerji və iqlimə qədər bir çox ortaq maraqlarımız var,” deyə fikirlərini ifadə edib.

ƏLAQƏLİ

Bunu da oxu

İran Britaniyanın Tehrandakı səfirini çağırdı

01.10.2026 - 18:58

Trabzonda iş adamları, gənclər, qeyri-hökumət təşkilatları və mədəniyyət sahəsindən şəxslərlə bir araya gələcəklərini bildirən Orav, “Mesajımız çox sadədir: Aİ ilə Türkiyə arasındakı güclü bağlar, insanlar arasında qurulan əlaqələrə bağlıdır,” deyə vurğulayıb. O, Trabzonda olmaqdan böyük məmnuniyyət duyduğunu da əlavə edib.

Böyükşəhər Bələdiyyə Başçısı Genç də səfir Orav və onun heyətini şəhərdə qəbul etməkdən məmnun olduğunu ifadə edib.