Parlamentdə radikal qruplara qarşı sərt tədbirlər təklif edildi

Son dövrlərdə bəzi radikal qrupların din pərdəsi altında fəaliyyət göstərərək məktəblərimizi və müəllimlərimizi hədəf alması təhlükəsizlik məsələlərini gündəmə gətirib. Bu qrupların xarici kəşfiyyat şəbəkələri tərəfindən dəstəkləndiyi iddia edilir və onların açıq hücumları milli təhlükəsizliyə ciddi təhdid kimi qiymətləndirilir.

Minval.info xəbər verir ki, bu barədə Milli Məclisin deputatı Bəhruz Məhərrəmov parlamentin iclasında danışıb. O, strateji müttəfiqimiz Türkiyə ilə birlikdə hüquq-mühafizə orqanlarının iştirak etdiyi birgə təhqiqat qruplarının yaradılmasını təklif edib.

Deputat bildirib ki, bu təxribatları törədənlər məsuliyyətə cəlb edilməli və onlara qarşı sərt cəza tədbirləri tətbiq olunmalıdır. Məhərrəmov, həmçinin, Şuşa Bəyannaməsinin tələblərinə uyğun olaraq, informasiya cəbhəsində də qətiyyətli addımlar atılmasının vacibliyini vurğulayıb.

ƏLAQƏLİ

Bunu da oxu

Azərbaycan və Slovakiya arasında məxfi informasiya mübadiləsi təsdiqləndi

30.09.2026 - 14:02

O, qeyd edib ki, cəmiyyətdə qarşıdurma yaratmağa çalışan qızışdırıcı yayımlar nəzarət altına alınmalıdır. Dövlətin suverenlik hüdudları daxilində, informasiya məkanının təhlükəsizliyi təmin edilməli və heç kimin bu hüdudları pozmasına icazə verilməməlidir.

Deputatın təklifi, dövlətin dünyəvi əsaslarını və milli birliyini qorumaq məqsədi daşıyan qanunvericilik tədbirlərinin gücləndirilməsini nəzərdə tutur.