Avqust pensiyaları tam şəkildə ödənildi

Əmək və Əhalinin Sosial Müdafiəsi Nazirliyinin tabeliyində fəaliyyət göstərən Dövlət Sosial Müdafiə Fondu, avqust ayı üzrə pensiya ödənişlərini tam şəkildə həyata keçirib.

Minval.info xəbər verir ki, avqustun 14-də Bakı, Sumqayıt şəhərləri və Abşeron rayonunda, eləcə də Naxçıvan Muxtar Respublikasında yaşayan vətəndaşların pensiyaları ödənilib. Bu gün isə ölkənin digər bölgələrində qeydiyyatda olan şəxslərin avqust ayı üzrə pensiyaları, o cümlədən güzəştli şərtlərlə təyin edilmiş pensiyalar ödənilib.