ATU idman kompleksi üçün 486 minlik təmir planı

Azərbaycan Tibb Universitetinin (ATU) Tədris İdman Kompleksində əsaslı təmir işlərinin aparılması planlaşdırılır. Bu məqsədlə 486 min 160 manat vəsait ayrılıb. Layihə çərçivəsində kompleksin sanitar qovşaqları və dam örtüyü yenilənəcək.

Minval.info xəbər verir ki, təmir işlərinin həyata keçirilməsi nəticəsində ATU-nun Tədris İdman Kompleksinin sanitar şəraitinin və ümumi infrastrukturunun yaxşılaşdırılması, tələbə və əməkdaşlar üçün daha əlverişli və təhlükəsiz mühitin yaradılması gözlənilir. Layihə həmçinin binanın uzunmüddətli istifadəyə yararlılığının artırılmasına xidmət edəcək.