ASALA tanınmış azərbaycanlı jurnalisti hədələdi - FOTO
“Baku TV”nin hərbi jurnalisti Fərdin İsazadə ASALA erməni terror təşkilatı tərəfindən hədələnir.
Fərdin İsazadə “Caliber.az”a xəbəri təsdiqləyib.
Jurnalist bildirib ki, “Telegram” sosial şəbəkəsindən ona kobud formada hədələr gəlib:
“Mənim üçün bu hədələrin heç bir mənası yoxdur. Əvvəl necə işləmişəmsə, elə də davam edəcəyəm. İşimiz elədir ki, internetdə erməni seqmentinin klaviatura qəhrəmanlarına əhəmiyyət vermək lazım deyil. 2020-ci ilin payızında Azərbaycan ordusuna mane ola bilmədikləri kimi, indi də bizim fəaliyyətimizə mane ola bilməzlər. Eyni zamanda belə situasiyalarda ayıq-sayıq olmaq lazımdır. Məlumdur ki, Ermənistan cəmiyyətində, erməni separatçıları arasında da “incimişlər” çoxdur. Qarabağdan, Şərqi Zəngəzurdan yayımları davam etdirəcəyik. Mənə hədə-qorxu gələnlərin hər biri ilə Qarabağda görüşməyə hazıram. Daimi olaraq orada peşə fəaliyyətimlə məşğulam, erməni iddia və təhdidlərinə istənilən formada cavab verə bilərəm”.
O qeyd edib ki, əvvəllər də sosial şəbəkələrdə müxtəlif erməni istifadəçilərdən təhdidlər alıb. Lakin ASALA-nın üzvü tərəfindən ilk dəfədir ki, belə təhdidlər gəlir: “Mən Qarabağ və Şərqi Zəngəzurda mütəmadi oluram. Azərbaycanlılar ora əbədi qayıdıb. Bu yaxınlarda Azərbaycan-Ermənistan şərti sərhədindən böyük reportaj çəkdik, sosial şəbəkələrdə aktiv fəaliyyət göstəririk, ermənilərin təhdidləri də işimizlə bağlıdır”.
Fərdin İsazadə təhdidlərə baxmayaraq, peşəkar fəaliyyətini davam etdirəcəyini vurğulayıb.
Ən son xəbərləri bizim sosial media səhifələrimizdə izləyin!
Ölkədən və dünyadan ən sürətli canlı yayımları qaçırmamaq üçün bizə abunə olun:
OXŞAR XƏBƏRLƏR
Yol qısaltmaq istəyi faciəyə səbəb oldu
Messi Brunatinin həyatına xoşbəxtlik qatdı
Filippində sel sularında üzən piton qorxu saçdı
Xırdalanda obyekt yanğını: Xəsarət yoxdur!
Bakının Nərimanov rayonunda 15 bina söküləcək
Bakıda güclü yanğın: Binə qatı dumanla örtüldü
Bakıda şok: Kişi əməliyyatdan sonra yataq xəstəsi oldu-VİDEO
