“Arzum 9999” Almaniyaya gedə biləcək? – Hüquqşünas açıqladı

"Arzum 9999" Almaniyaya gedə biləcək? – Hüquqşünas açıqladı

“Arzum 9999” ləqəbi ilə tanınan tiktoker İlduzə Hacıyevanın ev dustaqlığına buraxılmasından sonra onun Almaniyaya gedib-getməyəcəyi ilə bağlı məsələyə aydınlıq gətirilib.

Minval.info xəbər verir ki, hüquqşünas Rövşən Məmmədov bunun hazırkı mərhələdə mümkün olmadığını bildirib.

Onun sözlərinə görə, məhkəmə prosesində müdafiə tərəfi İlduzə Hacıyevanın dörd azyaşlı övladının Almaniyada olduğunu və ananın həbsdə qalacağı təqdirdə uşaqların sığınacağa düşmək riski ilə üzləşəcəyini diqqətə çatdırıb.

Təxribat cəhdlərinin heç bir nəticəsi olmayacaq – Partiya sədrindən sərt mövqe

ƏLAQƏLİ

Bunu da oxu

Təxribat cəhdlərinin heç bir nəticəsi olmayacaq – Partiya sədrindən sərt mövqe

15.10.2026 - 01:43

Hüquqşünas vurğulayıb ki, bu amil həbs qətimkan tədbirinin ev dustaqlığı ilə əvəz olunmasına təsir etsə də, həmin qərar İlduzə Hacıyevaya Almaniyaya getmək hüququ vermir.

Onun sözlərinə görə, ev dustaqlığı qərarı qüvvədə olduğu müddətdə tiktoker məhkəmənin müəyyən etdiyi bütün şərtlərə əməl etməlidir. Xaricə səfər etməsi üçün isə ayrıca məhkəmə qərarı qəbul edilməli və ya barəsində seçilmiş qətimkan tədbiri dəyişdirilməlidir.

Rövşən Məmmədov əlavə edib ki, indiyədək rəsmi açıqlanan məlumatlarda İlduzə Hacıyevaya Almaniyaya getməyə icazə verilməsi ilə bağlı hər hansı qeyd yer almayıb. Globalinfo.az