Araz-Naxçıvanın Çempionlar Liqası rəqibləri açıqlandı

Araz-Naxçıvan futzal komandası UEFA Çempionlar Liqasının əsas mərhələsində iştirak edəcək. Komanda 5-ci qrupda yer alıb və bu qrupda rəqibləri artıq müəyyənləşib. C qrupunun qalibi “Buba Mara” və D qrupunun lideri “Uypeşt” komandaları Araz-Naxçıvanın rəqibləri olacaq.

Minval.info xəbər verir ki, UEFA İcraiyyə Komitəsinin qərarına əsasən, Azərbaycan və Ermənistan təmsilçiləri eyni qrupda yer ala bilməz. Buna görə də, E qrupunun qalibi olan Ermənistan çempionu “Unisport” yerinə D qrupunun qalibi 5-ci qrupa daxil edilib. Bu mərhələnin oyunları oktyabrın 27-dən noyabrın 1-dək Polşada keçiriləcək.

5-ci qrupda “Piast” (Polşa), “Araz-Naxçıvan” (Azərbaycan), “Buba Mara” (Bosniya və Herseqovina) və “Uypeşt” (Macarıstan) komandaları mübarizə aparacaq. Qeyd edək ki, “Araz-Naxçıvan” bu turnirdə 21-ci dəfə iştirak edəcək və bu göstəricidə yalnız Qazaxıstanın “Kayrat” klubundan geri qalır.