“Analoqu olmayan bir toyum olacaq”

Dubaya köçən müğənni-model Afaq Aslan instaqramda izləyicilərinin suallarını cavablandırıb.
Minval.info xəbər verir ki, ifaçının etirafları xüsusilə diqqət çəkib.

O, “Bizim şou biznesdə “Lamborghini” hədiyyə edilən bir şou biznes ulduzu tanımıram” sualına belə cavab verib:
“Söhbət yerli şou biznesimizdən gedirsə, onu deyə bilərəm ki, mən yerli şou biznesimizdə hər şeyin ilkinə imza atan yeganə məşhur simalardan idim ki, necə deyərlər: artıq alışmışam ilklərə imza atmağa! Təkrarçılıq və ya kiminsə etdiyini təkrarlamaq mənə xas olan bir xüsusiyyət heç vaxt olmayıb da olmayacaq!”.
Model səssiz qalmağı ilə bağlı ünvanlanan sualı isə belə cavab verib:
“Sizə elə gəlmirmi ki, 3 illik sükutu bir fotosessiya ilə pozmaq mən tərəfdən təkrarçılıq olar? Bəlkə mən sizlər üçün daha böyük bir sürpriz hazırlayıram? Məsələn, nəinki Azərbaycanda hətta dünyada analoqu olmayan və bütün dünyaya səs salacaq bir toy mərasimi desəm?”.
Bundan başqa Afaq “Sevgilin azərbaycanlıdır” kimi suala “Xeyr” yazıb.