Ana olmaq üçün ən uyğun yaş hansıdır? - ARAŞDIRMA
İngiltərədə aparılan bir araşdırmada qadınların fiziki və psixoloji baxımdan hansı yaşda ana olmağa uyğun olduqları ilə bağlı qəribə nəticələr ortaya çıxıb.
Minval.İnfo ailem.az-a istinadən həmin nəticələri təqdim edir.
“Royal College” Ginekologiya Birliyinin apardığı araşdırmanın nəticəsinə görə, 20-35 yaş arası ana olmaq üçün ən uyğun zamandır. Bu 15 illik zaman içərisində yumurtalığın döllənməsi daha asan olur. Bu yaşda yüksək təzyiq xəstəsi olma ehtimalı az olduğu üçün hamiləlikdə hər hansı bir təhlükəli durumun olması da azdır. Qadın daha enerjili dönəmdə olduğundan yuxu azlığı və ağır rejim anaya o qədər də təsir etmir. Qeysəriyyə kəsiyi ilə doğum etmə ehtiyacı da çox olmur.
Bəs uşaq yetişdirməyin ideal yaşı hansıdır? Aarhus Universitetinin araşdırmasına görə, 30 və daha yuxarı yaşlar ana olmaq üçün daha ideal yaşdır. Danimarkalı qadınlar üzərində aparılan bu araşdırmaya əsasən, gec yaşlarda uşaq sahibi olmaq daha az davranış problem və duyğu dəyişimi deməkdir. Danimarkada övlad sahibi olma yaşı təxminən 30-39-dur.
Təcrübəli, yoxsa enerjili ana?
Lakin araşdırmanın məqsədi gec yaşda ana olmağın gözəlliyini təbliğ etmək deyil. Başqa bir açıqlamaya görə isə, daha yaşlı anadan doğulan uşaqlar qavrama bacarığı testlərində, gənc anaların uşaqlarına nisbətən daha yaxşı nəticələr ortaya qoyur. Bu testlər uşaqların irəlidə göstərəcəkləri təhsil uğurları ilə əlaqədar ciddi bir göstərici ola bilir.
Ancaq doğuşda yaşanan problemlər hər nə qədər azalmış olsa da, gec yaşda ana olmaq istəyən qadınlarda ciddi sağlamlıq problemi ortaya çıxa bilir. Əslində gec yaşda ana olmaq daha yaxşı deyil. Ancaq uşağın inkişafına təsir edəcək bir probleminiz yoxdursa, 30 yaşlarında ana olmaqda da bir problem yoxdur əlbəttə. Yəni əslində bu araşdırmadan çıxarılacaq nəticə belədir – 30 yaşındasınızsa, mütləq uşağınıza qarşı daha səbrli olacaqsınız deyə bir qayda yoxdur. Problem yoxdursa, inkişaf da normal irəliləyə bilər.
Ən son xəbərləri bizim sosial media səhifələrimizdə izləyin!
Ölkədən və dünyadan ən sürətli canlı yayımları qaçırmamaq üçün bizə abunə olun:
OXŞAR XƏBƏRLƏR
Xocavəndin iki kəndində qazlaşdırma işlərinə start verilib
Məktəb mədrəsə deyil, öz qaydaları var
İlqar Fəhmi məktəbli forması qərarını dəstəkləyir: Zərurət var
Əməkdar jurnalist Məhəbbət Mirzəyeva vəfat etdi
Məktəbdə qalmaqal: yüksək bal toplayan müəllim niyə kənarda qaldı?
Yasamalda şəhid Hüseyn Tağıyevin anım mərasimi keçirilib
