“Allah heç kəsin zəhmətini mükafatsız qoymasın” – Xalq artistinin qızı

Müğənni Səidə Dadaşova atası, xalq artisti Rafael Dadaşovun “Şöhrət” ordeni ilə təltif edilməsindən bəhs edib.

Minval.info xəbər verir ki, ifaçı atasını təbrik edərək Prezident İlham Əliyevə təşəkkürünü bildirib:

“Hörmətli prezident İlham Əliyev və birinci xanım Mehriban Əliyeva, sizlərə sonsuz minnətdarıq. Bizə sevincli anları bir daha yaşatdınız. Xalqın sevimlisi, əvəzolunmaz insan, xalq artist Rafael Dadaşov “Şöhrət” ordeninə layıq görülüb. Allah heç kəsin zəhmətini mükafatsız qoymasın”.

Qeyd edək ki, ötən gün Prezident İlham Əliyev Azərbaycan Dövlət Akademik Milli Dram Teatrı əməkdaşlarının təltif edilməsi haqqında sərəncam imzalayıb. Sərəncama əsasən, Rafael Dadaşov “Şöhrət” ordeni ilə təltif edilib.