Alibaba süni intellekt üçün 10 milyard dollar topladı

“Alibaba” şirkəti süni intellekt texnologiyalarına investisiya qoymaq məqsədilə 10,2 milyard dollar dəyərində səhm satışı həyata keçirib. Şirkət 710 milyon səhmi hər biri 112,70 Honq Konq dollarına sataraq ümumilikdə 80 milyard Honq Konq dolları, yəni təxminən 10,21 milyard dollar vəsait əldə edib.

Minval.info xəbər verir ki, əldə olunan vəsait süni intellekt texnologiyalarının inkişafı və infrastrukturun genişləndirilməsi üçün istifadə olunacaq. Səhm satışından sonra “Alibaba”nın səhmləri 8,5 faiz ucuzlaşıb ki, bu da 2025-ci ilin əvvəlindən bəri şirkətin ən kəskin gündəlik enişi hesab olunur.