“Alibaba” dünyanın ən böyük IPO-larından birinə hazırlaşır
Çinin “Alibaba” internet şirkəti törəməsi olan “Ant Group” maliyyə texnologiyaları şirkətinin Honkonq və Şanxay birjalarında həyata keçirəcəyi ilkin kütləvi tədavül (IPO) çərçivəsində “fintech” şirkətin səhmlərinin beşdə birindən çoxunu alacaq.
“Report” xəbər verir ki, bu barədə “Alibaba”nın relizində bildirilib.
Məlumatda qeyd olunub ki, “Alibaba” tənzimləyici orqanlardan lazımi icazə alacağı və digər presedent şərtlərin yerinə yetiriləcəyi təqdirdə 730 milyon səhmi almaq niyyətindədir.
“Ant Group” IPO çərçivəsində ümumilikdə 3,3 milyard səhm yerləşdirməyi planlaşdırır. Şirkət əlavə olaraq “Alibaba” üçün 1,16 milyard səhm buraxmağı planlaşdırır ki, bu da internet şirkətinin IPO-dan sonra “Ant Group”un 33% hissəsinə sahib olmasına imkan verəcək.
Qeyd edək ki, mərkəzi Çinin şərqindəki Hançjou şəhərində yerləşən “Ant Group”un 33%-i “Alibaba Group”a məxsusdur və “Alibaba”nın qurucusu Cek Ma tərəfindən idarə olunur. Şirkət Çində mobil ödənişlər sahəsində liderdir, habelə mobil tətbiqetmələr vasitəsi ilə kredit vermə, sığorta və aktiv idarəetmə xidmətləri təklif edir.
Ən son xəbərləri bizim sosial media səhifələrimizdə izləyin!
Ölkədən və dünyadan ən sürətli canlı yayımları qaçırmamaq üçün bizə abunə olun:
OXŞAR XƏBƏRLƏR
Azərbaycan Rusiyadan buğda tədarükünü 4 dəfə artırıb
AZAL 9 ayda 3,3 milyona yaxın sərnişin daşıyıb
Azərbaycan və Kamboca arasında vacib saziş imzalanacaq
Süni intellekt dünyada iş yerlərinin 40 faizinə təsir edəcək
Türkiyənin ticarət naziri Brüsselə yüksək səviyyəli danışıqlar üçün gedir
Çinli avtomobil istehsalçısı BYD Fransada zavod açmağı planlaşdırır
Pensiyalara 5,8 milyard manat vəsait yönəldildi
