Ailənin dənizdəki istirahəti faciəyə çevrildi: Elman məmmədov itkin düşüb, axtarışlar davam edir

Astara sahillərində ailəvi istirahət faciə ilə nəticələnib. Hadisə Xəzər dənizinin Astara şəhəri yaxınlığında, nəzarət olunmayan bir ərazidə baş verib.

Minval.info xəbər verir ki, Masallı rayonunun Kosagül kəndindən olan 36 yaşlı Elman Məmmədov qohumları ilə birlikdə dənizə çimməyə gedib. Lakin Elman Məmmədovun dənizdən çıxmadığı məlum olub.

Hadisə şahidlərinin dediyinə görə, Elman Məmmədov qohumlarına dənizdən çıxmalarını və onun da ardınca gələcəyini bildirib. Ancaq bir müddət sonra onun sudan çıxmadığı aşkar edilib. “Bacım oğlu ilə birlikdə gəlmişdilər. O, dənizdə qalıb. Bacım oğluna deyib ki, siz çıxın, mən də gəlirəm. Ondan sonra axtarırıq, tapa bilmirik. Dənizdə qalıb, çıxa bilməyib. Ailəlidir, beş uşağı var,” – deyə bir sakin bildirib.

ƏLAQƏLİ

Bunu da oxu

İspaniyada güclü yağışlar ölümlə nəticələndi, dərslər təxirə salındı

19.10.2026 - 15:44

Hadisə yerinə Fövqəladə Hallar Nazirliyinin Masallı rayon Kiçikhəcmli Gəmilərə Nəzarət və Sularda Xilasetmə Dövlət Xidmətinin dalğıc-xilasediciləri cəlb olunub. Hazırda Elman Məmmədovun axtarışları davam etdirilir.