Ağstafada TIR 28 yaşlı qızı vurdu

Ağstafada piyadanın vurulması faktı qeydə alınıb.

Minval.İnfo-nun bölgə müxbirinin verdiyi xəbərə görə, hadisə Bakı-Qazax magistral yolunun rayonun Qırlı kəndi ərazisindən keçən hissəsində qeydə alınıb. Türkiyəyə yük aparan “Mersedes” markalı TIR yük avtomobili yolu keçmək istəyən kənd sakini 1989-cu il təvəllüdlü Sadıqova İlahə Şahvələd qızını vurub.

Yaralı Ağstafa rayon Mərkəzi Xəstəxanasına yerləşdirilib. Vəziyyətinin kafi olduğu bildirilir. Qəzanın səbəbləri araşdırılır.