Ağstafada şəhid ailələrinə yeni mənzillər veriləcək

Ağstafa rayonunda şəhid ailələri və əlilliyi olan şəxslərin mənzil təminatı məqsədilə 9 mənzil alınacaq. Bu məqsədlə Sosial Xidmətlər Agentliyi tərəfindən 666 min manat vəsait ayrılıb. Layihə çərçivəsində 3 ikiotaqlı və 6 üçotaqlı mənzil alınması planlaşdırılır. Mənzillərin Ağstafa rayonunda yerləşməsi və müəyyən edilmiş tələblərə uyğun olması nəzərdə tutulur. Layihənin əsas məqsədi sosial müdafiəyə ehtiyacı olan şəxslərin, xüsusilə şəhid ailələrinin və əlilliyi müəyyən edilmiş şəxslərin mənzil şəraitinin yaxşılaşdırılmasıdır. Yeni mənzillərin təqdim edilməsi bu kateqoriyadan olan ailələrin yaşayış şəraitinin yaxşılaşdırılmasına və onların sosial təminatının gücləndirilməsinə imkan verəcək.