Ağbulaqda şəhidlərin xatirəsinə "Xatirə bulağı" açıldı

Laçın rayonunun Ağbulaq kəndində şəhidlərin xatirəsinə həsr olunmuş “Xatirə bulağı”nın açılış mərasimi keçirilib. Bu təşəbbüs kənd sakinləri tərəfindən irəli sürülüb və mərasimdə kənd sakinləri, şəhid ailələri və ziyalılar iştirak ediblər.

Minval.info xəbər verir ki, tədbirdə çıxış edən kənd müəllimləri Musa Həsənov, Cabbar Cabbarov, Kamil Həsənov, Rafiq Əsgərov, Qorxmaz Bəxtiyarov və kənd ağsaqqalı Xanoğlan Ağayev doğma yurdlarına qayıtmağın sevincini bölüşərək, şəhidlərə Allahdan rəhmət, qazilərə isə can sağlığı arzulayıblar. Onlar həmçinin Azərbaycan xalqına qələbə sevincini bəxş edən Ali Baş Komandana təşəkkürlərini ifadə ediblər.

Tədbirdən sonra ehsan süfrəsi təşkil olunub. Ağbulaq kəndi 400 təsərrüfatı və 2 min nəfər sakini ilə səfalı dağları, qayaları, meşələri və çayları ilə tanınır. Kənd “Ağbulaq şəlaləsi” və bir neçə bulağı ilə də məşhurdur. Laçın rayonunda beynəlxalq standartlara uyğun tikilmiş su elektrik stansiyalarının ikisi də Ağbulaq kəndi ərazisində yerləşir.

ƏLAQƏLİ

Bunu da oxu

Xocavəndin iki kəndində qazlaşdırma işlərinə start verilib

19.10.2026 - 15:34

Hazırda kənddə bərpa və quruculuq işləri başlamasa da, səksəndə qədər ailə burada məskunlaşıb. Ailələr əsasən çadırlarda çətin şəraitdə yaşayır, lakin havalar soyuyana qədər öz dədə-baba yurdlarından ayrılmır. Ağbulaq şəhidlərinin “Xatirə bulağı” da bir növ bu tikinti və quruculuq işlərinin ilk qaranquşu sayıla bilər.

Xatirə lövhəsində şəkli həkk olunanlar 1992-ci il işğalı zamanı itkin düşənlərdir. Onların nəşi də tapılmayıb. Şəhidlərin biri – Əmir Əsgərov müəllim idi və indi Ağbulaq kəndinin orta məktəbi onun adını daşıyır. Allah bütün şəhidlərimizə rəhmət eləsin.