Abşeronda 606 mənzil pulsuz təmir olunacaq!

Azərbaycanda bir qrup şəxsin mənzilləri cari təmir olunacaq. Bu barədə Əmək və Əhalinin Sosial Müdafiəsi Nazirliyi tərəfindən elan edilən satınalma məlumat verir. Təmir işləri Abşeron rayonunun Şəfəq qəsəbəsində yerləşən 52 binadakı ümumilikdə 606 mənzili əhatə edəcək.

Minval.info xəbər verir ki, bu təmir işlərinə 3 milyon 402 min manat məbləğində vəsait ayrılıb. Təmirin məqsədi mənzillərin texniki və məişət baxımından vəziyyətinin yaxşılaşdırılması və sakinlər üçün daha rahat yaşayış şəraitinin yaradılmasıdır. Mövcud çatışmazlıqlar aradan qaldırılaraq, mənzillər daha əlverişli vəziyyətə gətiriləcək.