ABŞ İranda vurulan hədəfləri açıqladı

ABŞ Mərkəzi Komandanlığı (CENTCOM) İrana qarşı həyata keçirilən hərbi əməliyyatların 12-ci gecəsində hədəfə alınan ərazilərlə bağlı məlumat yayıb.

Minval.info xəbər verir ki, əməliyyatlar zamanı Əhvaz, Buşehr, Kermanşah əyalətinin İslamabad-e Qərb şəhəri, Mahşəhr, Əndimeşk, Şələmşə, Ramşir, Cask və Sirikdə yerləşən hərbi obyektlərə hava və raket zərbələri endirilib.

CENTCOM-un açıqlamasına görə, əməliyyat zamanı İranın dəniz qüvvələrinə məxsus hərbi imkanlar, raket və pilotsuz uçuş aparatlarının saxlanıldığı məntəqələr, eləcə də sahil müşahidə postları və hava hücumundan müdafiə sistemləri hədəf alınıb.

Komandanlıq bildirib ki, cari ay ərzində keçirilən əməliyyatlar nəticəsində İran ərazisində onlarla hərbi obyekt vurulub.