ABŞ-İran qarşıdurması bitə bilər: SEPAH-dan şərtlər

İran İslam İnqilabı Keşikçiləri Korpusunun (SEPAH) sözçüsü Hüseyn Mohebi, ABŞ-la hərbi qarşıdurmanın sona çatmasının mümkün olduğunu bildirib. Onun sözlərinə görə, bu məqsədə nail olmaq üçün ABŞ bir sıra addımlar atmalıdır.

Minval.info xəbər verir ki, Hüseyn Mohebi ABŞ-ın hərbi əməliyyatları tamamilə dayandırmalı, İsrail qoşunlarının Livandan çıxarılmasını təmin etməli, Yəmənə tətbiq edilən blokadaya son qoymalı və İranın 24 milyard dollar həcmində dondurulmuş aktivlərini azad etməli olduğunu vurğulayıb.

Bundan əlavə, o, ABŞ-ın İranın nüvə və raket proqramlarına müdaxilə etməməsini tələb edib. “Vaşinqton bu şərtlərə əməl edərsə, mövcud vəziyyətin sona çatması mümkündür”, – deyə Hüseyn Mohebi qeyd edib.