ABŞ-dan Avropaya İranla bağlı sərt reaksiya

ABŞ-ın İran üzrə nümayəndə heyəti Avropa Birliyinin İrana 8 milyon avroluq maliyyə dəstəyi göstərmək istəyini sərt tənqid edib.

Minval.info Axar.az-a istinadən xəbər verir ki, onlar bu addımı “yanlış zamanda verilən yanlış mesaj” kimi qiymətləndirib.

Bundan əlavə, Vaşinqton İrana basqıları artırmasını da Brüsselə tövsiyə edib.

İran xalqının içində olduğu iqtisadi böhranın Avropa Birliyinin və Amerikanın ortaq dəstəyi ilə həll oluna biləcəyi mesajını verən amerikalı diplomat Brayan Huk “İran xalqı hökumətin sui-istifadəsi, terrora dəstəyi və yanlış idarə kimi ciddi iqtisadi təzyiqlərlə qarşı-qarşıyadır. Ayətullahın əlində maddi qaynağın olması AB və bütün dünyaya daha çox sui-qəsd etməsi anlamına gəlir”, – deyə bildirib.