2027-ci ildə pensiyalar 14%-ə qədər artacaq!

2027-ci ilin yanvar ayında Azərbaycanda pensiyaların əhəmiyyətli dərəcədə artacağı gözlənilir. Mövcud əməkhaqqı dinamikası və iqtisadi göstəricilər bu artımın 10-14 faiz arasında olacağını göstərir. Bu artımın əsas səbəbi kimi əməkhaqqının artımı göstərilir.

Minval.info xəbər verir ki, Azərbaycanda əmək pensiyalarının indeksləşdirilməsi əvvəlki ildə ölkə üzrə orta aylıq nominal əməkhaqqının illik artım tempinə uyğun həyata keçirilir. 2026-cı ilin ilk yarısında orta aylıq nominal əməkhaqqı əvvəlki ilin eyni dövrü ilə müqayisədə 7 faiz artaraq 1 174,4 manata çatıb. Bu göstərici artıq gələn ilin pensiya artımı üçün müəyyən baza formalaşdırır.

İlin ikinci yarısında əməkhaqqı artımının davam etməsi halında, 2026-cı ilin yekun əməkhaqqı göstəricisinin pensiya indeksasiyası üçün daha yüksək baza yaratması mümkündür. Bu baxımdan, 2027-ci ilin yanvarında pensiyaların 10 faizdən yuxarı indeksləşdirilməsi ehtimalı yüksəkdir. Əgər əməkhaqqı dinamikası 10-14 faiz intervalına yaxınlaşarsa, pensiya artımının da bu diapazonda olması mümkündür.

Renat Dadaşov Ukraynanın 'Bukovina' klubunda!

ƏLAQƏLİ

Bunu da oxu

Renat Dadaşov Ukraynanın 'Bukovina' klubunda!

04.09.2026 - 18:18

Belə artım pensiyaçılar üçün kifayət qədər ciddi fərq yaradacaq. Məsələn, hazırda 500 manat pensiya alan şəxs üçün 10 faizlik indeksasiya 550 manat, 12 faizlik artım 560 manat, 14 faizlik artım isə 570 manat pensiya deməkdir. 600 manat pensiyada isə müvafiq olaraq 660, 672 və 684 manat alınır.

Əlavə olaraq, hökumət gələn ilin birinci yarısında yeni sosial paket qəbul edərsə, bu paket çərçivəsində əmək pensiyalarına indeksasiyadan əlavə müəyyən artımların verilməsi də mümkündür. Azərbaycanda bunun nümunələri əvvəllər də olub: bəzi illərdə indeksasiya ilə yanaşı əlavə maddi dəstək və sosial ödənişlər həyata keçirilib.

2026-cı ildə pensiyalar 9,3 faiz indeksləşdirilib və bu artım üçün dövlət büdcəsindən illik əlavə 640 milyon manat vəsait ayrılıb. Bu, dövlətin pensiya artımlarının maliyyələşdirilməsi üçün kifayət qədər böyük resurs ayıra bildiyini göstərir. Ona görə də 2027-ci ilin yanvarı pensiyaçılar üçün sıradan bir indeksasiya dövrü yox, sosial siyasət baxımından mühüm mərhələ ola bilər.