199 nömrəli marşrutda yeni avtobuslar dövrəyə girir

Bakının Nərimanov rayonu ilə Xırdalan şəhərini birləşdirən 199 nömrəli marşrut xəttində mühüm dəyişikliklər həyata keçiriləcək. Sentyabrın 1-dən etibarən, sərnişindaşıma xidmətinin keyfiyyətini artırmaq məqsədilə, mövcud dizel mühərrikli avtobuslar CNG texnologiyası ilə təchiz edilən ‘İveco’ markalı avtobuslarla əvəz olunacaq.

Minval.info xəbər verir ki, bu dəyişiklik Rəqəmsal İnkişaf və Nəqliyyat Nazirliyi yanında Azərbaycan Yerüstü Nəqliyyat Agentliyi tərəfindən həyata keçiriləcək. Yeni avtobuslarda ödənişlər nağdsız qaydada aparılacaq və gedişhaqqı 0,65 manat olaraq müəyyən edilib.