19.11.2026 - 15:14
Qərbi Azərbaycan İcması ABŞ konqresindəki dinləmələrə etiraz etdi
Siyasət 437 baxış

Qərbi Azərbaycan İcması ABŞ konqresindəki dinləmələrə etiraz etdi

Qərbi Azərbaycan İcması (QAİ) noyabrın 18-də ABŞ Konqresinin Tom Lantos adına İnsan Hüquqları Komissiyasında keçirilmiş dinləmələrdə Azərbaycana qarşı qərəzli mövqe sərgilənməsindən narahatlığını ifadə edib.

Baku.ws-ın məlumatına görə, İcma bu barədə yayımladığı bəyanatda öz narazılığını bildirib. Bəyanatda qeyd olunub ki, Komissiyanın dinləmələrində Azərbaycana qarşı düşmən münasibəti və azərbaycanlıların hüquqlarına qarşı etinasızlıq nümayiş etdirilib.

İcma, həmçinin “Christian Solidarity International” təşkilatının Azərbaycan əleyhinə fəaliyyətindən narahat olduğunu vurğulayıb. Bildirilib ki, dinləmələrdə Azərbaycan əleyhinə ittihamlar səsləndirilib, lakin Ermənistandan zorla qovulmuş Qərbi azərbaycanlıların hüquqları və onların mədəni irsi haqqında heç bir müzakirə aparılmayıb.

Bəyanatda, məsələlərin dini təəssübkeşlik əsasında təqdim edildiyi və insan hüquqları adı altında obyektivliyin sual altına alındığı qeyd edilib. İcma, Tom Lantos Komissiyasını və “Christian Solidarity International” təşkilatını qərəzli yanaşmadan əl çəkməyə və gələcək dinləmələrə Qərbi Azərbaycan İcmasını da dəvət etməyə çağırıb.

Bu xəbəri paylaş:
Link yaddaşa kopyalandı!

Ən son xəbərləri bizim sosial media səhifələrimizdə izləyin!

Ölkədən və dünyadan ən sürətli canlı yayımları qaçırmamaq üçün bizə abunə olun: