Müğənni Zamiq Hüseynov Koronavirus (COVID-19) pandemiyasi ilə mübarizə çərçivəsində ölkəmizdə həyata keçirilən tədbirlərə qoşulub. 

Minval.info xəbər verir ki, ifaçı Prezident İlham Əliyevin müvafiq Fərmanı ilə yaradılmış Koronavirusla Mübarizəyə Dəstək Fonduna qazancının bir hissəsini ianə edib.

Bununla da müğənni, koronavirus xəstəliyinin ölkəmizdə geniş yayılmasının qarşısının alınması məqsədi ilə həyata keçirilən tədbirlərə öz töhfəsini verib.

Eyni zamanda, sənətçi bütün vətəndaşları COVID-19 virusu ilə mübarizə üzrə tədbirlərə qoşulmağa və bu bəladan xilas olmaq üçün dövlətə öz vətəndaş dəstəyini göstərməyə çağırıb.