Yumurta qiymətləri niyə uçur? – Quş qripi təhlükəsi və bazar təsirləri

Son günlərdə dünyada ən çox qiyməti artan məhsul yumurta olub. Havanın isti keçməsinə baxmayaraq, yaxın zamanda yumurtanın qiymətində azalma gözlənilmir.

Minval.info xəbər verir ki, Azərbaycan Quş Əti, Yumurta İstehsalçıları və İxracatçıları Assosiasiyasının rəhbəri Mürvət Həsənli, yumurtanın qiymətinin yaxın günlərdə düşməyəcəyini bildirib. Onun sözlərinə görə, hazırda bir ədəd yumurtanın pərakəndə satış qiyməti 13-17 qəpik arasında dəyişir və bazarda təklif tələbi qarşılamır.

Mürvət Həsənli əlavə edib ki, kənd yumurtasının qiyməti təxminən 25 qəpikdir və yay aylarında bu qiymət daha ucuz olur. Sentyabrdan sonra isə qiymətlərin artması mümkündür.

ƏLAQƏLİ

Bunu da oxu

Ermənistan 500 km mənzilli PUA-larla güclənir

19.09.2026 - 14:02

İyul ayında ABŞ-ın “Comex” birjasında toyuq yumurtasının qiyməti 334 faiz artıb. Bu artım, yüksək patogen quş qripinin yayılması ilə əlaqədar olaraq, on milyonlarla yumurtlayan toyuğun məhv edilməsi nəticəsində baş verib. Rusiyada isə əksinə, iyun ayında yumurtanın qiyməti 9,6 faiz azalıb və bu, ölkənin ərzaq bazarında ən çox ucuzlaşan məhsul olub.

Rusiyada 2023-2024-cü illərdə yaşanan böhrandan sonra, 2025-ci ilin sonunda daxili bazarda məhsul bolluğu yaranıb ki, bu da qiymətlərin enməsinə və quşçuluq təsərrüfatlarının rentabelliyinin azalmasına səbəb olub. Ekspertlər, vəziyyəti yaxşılaşdırmaq üçün ixracın artırılması və ya məhsulun emalının genişləndirilməsini təklif edirlər, lakin istehsalçıların maliyyə imkanları məhduddur.