Yevlaxda pivə istehsalı müəssisəsi bağlandı: Antisanitar şəraitdə "jiguli" istehsalı dayandırıldı

Yevlax rayonunun Malbinəsi kəndində, Yevlax–Bərdə avtomobil yolunun 7-ci kilometrində yerləşən bir pivə istehsalı müəssisəsi antisanitar şəraitdə fəaliyyət göstərdiyi üçün bağlanıb.

Minval.info xəbər verir ki, Azərbaycan Qida Təhlükəsizliyi Agentliyi (AQTA) tərəfindən aparılan plandankənar yoxlama nəticəsində müəssisənin lazımi icazə sənədləri olmadan işlədiyi və qida təhlükəsizliyi standartlarına uyğun gəlmədiyi müəyyən edilib. İstehsal prosesində istifadə olunan şüşə butulkaların açıq su hovuzunda yuyulması kimi ciddi qida təhlükəsizliyi pozuntuları aşkar edilib.

“Jiquli” markalı pivə məhsullarının qanunsuz istehsalı və dövriyyəsi də müəyyən edilərək qarşısı alınıb. Bu səbəbdən müəssisəyə qarşı inzibati protokol tərtib olunub və onun fəaliyyəti məhdudlaşdırılıb.