Yəməndə hərbi gərginlik artdı: Köçkünlərin sayı 200 minə yaxınlaşır

Yəməndə son saatlarda hökumət qüvvələri ilə husilər arasında hərbi gərginlik üç həftə ərzində ən yüksək həddə çatıb. Döyüşlər nəticəsində yaranan köçkünlük böhranı daha da pisləşir.

Minval.info xəbər verir ki, Anadolu agentliyinin müşahidələrinə görə, Taiz və Lahec əyalətlərində cəbhə xəttindəki toqquşmalar sentyabrın 10-dan bu yana ən intensiv eskalasiya kimi qeydə alınıb. Həmin tarixdə husilər strateji əhəmiyyətə malik Moka şəhərini ələ keçirmişdilər.

İyul ayından bəri hərbi əməliyyatların intensivləşməsi ilə köçkünlərin sayı 198,000 nəfərə yaxınlaşıb. Hökumət qüvvələri Taiz və Lahec əyalətlərində husilərin böyük miqyaslı hücumunu dəf etdiklərini və onların mövqelərinə hava zərbələri endirdiklərini açıqlayıb.

Rusiya Yaponiyanın remilitarizasiyasına cavab tədbirləri görəcək

ƏLAQƏLİ

Bunu da oxu

Rusiya Yaponiyanın remilitarizasiyasına cavab tədbirləri görəcək

03.10.2026 - 10:17

Yəmənin İnsan Hüquqları Nazirliyi isə çərşənbə günü, husilərin son hərbi gərginlik zamanı uşaqları döyüşlərə cəlb etdiyini və bu uşaqlardan 100-nün ölümü ilə nəticələndiyini bildirib. Nazirlik bu rəqəmin yalnız təsdiqlənmiş halları əhatə etdiyini və əsl rəqəmin çox daha yüksək olduğunu vurğulayıb.

Hökumət BMT Təhlükəsizlik Şurasına müraciət edərək, husilərin İran mənşəli silahlarla beynəlxalq hava yollarına ciddi təhlükə yaratdığını bildirib. Bu silahların hərbi və mülki hədəfləri ayırmadan istilik izlərini izlədiyi qeyd edilib.

Döyüşlər iyul ayından bəri genişlənərək, Al-Hudeyda və Taiz əyalətlərində husilərin bir neçə mühüm ərazini, o cümlədən Moka və Bab əl-Məndəb boğazına nəzarət edən Mayyun adasını ələ keçirməsi ilə nəticələnib. Səudiyyə Ərəbistanı isə hökumətə tam dəstəyini ifadə edib.