“Yayılan məlumatların heç bir əsası yoxdur və yalandır” - Müdafiə Nazirliyi

Müdafiə Nazirliyi son günlər bəzi xarici elektron media resurslarında İsrailə məxsus hərbi təyinatlı vasitələrin guya Azərbaycanda yerləşdirilməsi və bu ərazidən İrana qarşı zərbə endirilməsi barədə yayılan absurd xəbərlərə münasibət bildirib.

Müdafiə Nazirliyinin mətbuat xidmətindən daxil olan məlumatda qeyd olunub:

“Bu kimi məlumatlar dezinformasiya və saxta xəbərdən başqa bir şey deyildir. Yayılan məsuliyyətsiz, təxribat xarakterli məlumat uğursuz şəkildə qonşularla olan münasibətlərimizə xələl yetirmək məqsədi güdür. Bir daha bildiririk ki, hər hansı xarici ölkəyə məxsus heç bir hərbi təyinatlı vasitə Azərbaycan ərazisində yerləşdirilməyib, bu barədə yayılan məlumatların heç bir əsası yoxdur və yalandır”.

ƏLAQƏLİ

Bunu da oxu

Media və Yayım Şurası və Səhiyyə Nazirliyi birgə açıqlama yayıb

15.10.2026 - 01:46