Yayda dərmanları necə qorumaq olar? – Əsas saxlanma qaydaları

Yay mövsümündə artan istilik və rütubət dərmanların saxlanma şəraitinə xüsusi diqqət yetirilməsini tələb edir. Dərmanların əksəriyyəti 15-25°C arasında, bəzi hallarda isə 15-30°C temperaturda saxlanmalıdır. Bu tələblər məhsulun qablaşdırmasında əks olunur.

Minval.info xəbər verir ki, yüksək temperatur, günəş şüaları və rütubət dərmanların tərkibinə və təsirinə mənfi təsir göstərə bilər. Yay aylarında dərmanların ev şəraitində necə saxlanılması və hansı dəyişikliklərin müşahidə edildiyi halda istifadədən çəkinmək lazım olduğu barədə məlumatlar vacibdir.

Farmakoloq Aydın Əliyev bildirir ki, dərmanların keyfiyyətini gözlə müəyyən etmək mümkün deyil və bu, xüsusi analizlər tələb edir. Dərmanların saxlanma və istifadə qaydaları isə onların annotasiyasında ətraflı şəkildə qeyd olunur. Burada dərmanın istifadə müddəti, hansı xəstəliklərdə tətbiq edilə biləcəyi və əlavə təsirləri barədə məlumatlar yer alır.

ƏLAQƏLİ

Bunu da oxu

Tovuzda sel fəlakəti: Körpüsüz qalan sakinlər çıxış yolu axtarır

14.08.2026 - 22:33

Əliyev vurğulayır ki, dərmanların saxlanma şəraiti çox önəmlidir. Onları birbaşa günəş işığında, yüksək temperaturda və rütubətli yerlərdə saxlamaq olmaz. Hər dərmanın saxlanma tələbləri annotasiyada göstərilir və buna riayət edilməlidir. Apteklərdə də dərmanlar uyğun şəraitdə saxlanır və günəş şüalarından qorunur. Dərmanların yalnız həkim məsləhəti ilə istifadə edilməsi vacibdir.

Farmakoloq əlavə edir ki, dərmanlar kimyəvi maddələrdir və ətraf mühitin təsirlərinə həssasdırlar. Apteklərdə dərmanların uyğun şəraitdə saxlanması təmin edilməlidir. Vətəndaşlar dərmanların istehsalçı firması, gətirilmə tarixi və digər məlumatları soruşmaq hüququna malikdirlər.