YAP-çı deputatdan 190 manatlıq yardımla bağlı təklif

Deputat Aydın Mirzəzadə Milli Məclisdəki çıxışında maliyyə naziri Samir Şərifova xitabən dedi ki, bir sıra vətəndaşlar 190 manatlıq yardımı hansısa səbəblərdən ala bilməyib. Odur ki, deputat bu məsələlərə daha həssas yanaşılmasını xahiş etdi. O dedi ki, ola bilər, 600 min yox, 800 min, yaxud 1 milyon insana 190 manatlıq dəstək verilsin, çünki dövlət xalqın yanındadır.

A.Mirzəzadə sahibkarlara dəstəklə bağlı da təkliflərini səsləndirdi. Eyni zamanda qəbul imtahanları ilə əlaqədar olaraq ortaya çıxa biləcək problemlərlə bağlı müvafiq addımların atılmasını zəruri saydı.