Xalq artisti yenidən xəstəxanaya yerləşdirildi

Xalq artisti Canəli Əkbərov yenidən xəstəxanaya yerləşdirilib. Minval.info xəbər verir ki, bu barədə Əməkdar artist Babək Niftəliyev instaqram səhifəsində məlumat verib.

O, ustadını ziyarət edib, C. Əkbərovun görüntülərini sosial şəbəkədə paylaşıb. Babək videoya “Allah Xalq artisti və mənə 4 il dərs demiş Canəli Əkbərova şəfa versin” şərhini yazıb.

Qeyd edək ki, məşhur xanəndə bu ilin iyun ayında da xəstəxanalıq olmuş, daha sonra tədbirlərə əlil arabasında getməyə məcbur olmuşdu.