Xalq artisti gənclərə çağırış etdi: "öz yolunuzu tapın, təqlid etməyin

Xalq artisti Gülyaz Məmmədova son illərdə televiziya kanallarında müşahidə olunan dəyişikliklər haqqında fikirlərini bölüşüb. O, çıxışında efirlərdə sənətə daha çox diqqət yetirildiyini vurğulayıb.

Minval.info xəbər verir ki, Məmmədova “Künc-bucaq” adlı YouTube layihəsində iştirak edərək, müasir dövrdə kanalların daha estetik və nəzarətli olduğunu bildirib. O, tələbələrinin efirə çıxması üçün daha yaxşı şəraitin yaradıldığını qeyd edib. “Əvvəllər şou proqramlar üstünlük təşkil edirdi, amma indi sənət nümayiş olunur. Verilişlərdə yalnız oynaq mahnılara üstünlük verilməsi düzgün deyil, klassik musiqilər də yer almalıdır,” – deyə o əlavə edib.

Müğənni, həmçinin gənclərin məşhurları təqlid etməsini tənqid edərək, onların öz yollarını tapmasının vacibliyini vurğulayıb. “Gənclər bəzən məşhurların bahalı həyat tərzini təqlid etmək istəyirlər. Amma hər kəs öz imkanlarına uyğun hərəkət etməlidir,” – deyə Məmmədova bildirib.

ƏLAQƏLİ

Bunu da oxu

Azərbaycanda porsche cayenne electric təqdimatı: Su üzərində möhtəşəm şou!

08.08.2026 - 11:01

Gülyaz Məmmədova müğənnilik peşəsinin çətinliklərindən danışaraq mərhum tarzən Habil Əliyevin sözlərini xatırladıb. O, müğənni olmanın ailə həyatına təsir edə biləcəyini qeyd edib və şəxsi təcrübəsindən danışaraq “Yoldaşın istəmirsə, oxuma. Mən də ailəmi seçdim,” – deyə vurğulayıb.