Uşaq evdə sünnət zamanı öldü, valideynləri həbs olundu

Avropaya Afrikadan, Asiyadan gələnlər adətləri yaddan çıxarmır. İtaliyada qanalı ailə evdə uşağı sünnət edərkən öldürüblər.

Bizimyol.info xəbər verir ki, hadisə Bolonya şəhərində baş verib. Prosedur düzgün yerinə yetirilməyib. Qanaxma başlayıb. Amma uşaq ürəktutmasından ölüb. Onu Bolonya xəstəxanalarından birinə vertolyotla çatdırmaq da kömək olmayıb.

Polis uşağın valideynlərini həbs edib. Ərin 40, arvadın 30 yaşı var. Əlavə məlumat verilmir. Sadəcə, o məlumdur ki, valideynlərin evdə daha üç azyaşlı övladı var.

Buna oxşar hadisə Rusiyada da baş vermişdi. Martın 12-də Sankt-Peterburqda sünnət zamanı 3 yaşlı uşaqda qanaxma başlamışdı. Onu xəstəxanaya çatdırıb, həyatını xilas edə bilmişdilər.