Ukrayna höküməti qoşunlar tamamilə çıxarılmayana qədər atəşkəsin mümkünsüz olacağını deyib.
AZXEBER.COM xarici mediaya istinadən xəbər verir ki, təxminən 3 aya yaxındır Rusiyanın işğalı altında olan Ukraynada münaqişələr davam edərkən, Ukrayna lideri Zelenskinin müşaviri Mixail Podolyak atəşkəs mümkünlüyü ilə bağlı açıqlamalar verib.
“Bizə atəşkəs təklif etməyin. Rusiya qoşunları tamamilə çıxarılmadan bu, mümkün deyil. Rusiya işğal altındakı torpaqlarımızı tam azad etməyə hazır olana qədər bizim danışıqlar komandamız silah, sanksiyalar və puldan ibarətdir”, – Podolyak bildirib.
Rusiya ilə Ukrayna arasında fevralın 24-dən davam edən müharibədə mülki əhali arasında itkilər artır. Ukrayna Baş Prokurorluğundan verilən açıqlamada Rusiya ordusunun Ukraynaya hücumları nəticəsində 658-dən çox uşağın yaralandığı, 231 uşağın öldüyü bildirilib.
Prokurorluq həmçinin hücumlarda 457-dən çox mülki şəxsin yaralandığını açıqlayıb.