Sükutunu qalmaqallı şərhə pozdu: Ufuk Beydemirdən keçmiş arvadına atmaca

Türkiyənin məşhur müğənnisi Ufuk Beydemir keçmiş həyat yoldaşı, aktrisa İpek Filiz Yazıcının yeni sevgilisi ilə bağlı paylaşımına yazdığı rəylə sosial mediada böyük səs-küyə səbəb olub.

Minval.info xəbər verir ki, 2021-ci ildə sevgililik münasibətinə başlayan və 2022-ci ilin oktyabrında ailə quran cütlük 2025-ci ildə gözlənilmədən boşansa da, bu barədə heç bir rəsmi açıqlama verməmişdi. Səssiz-səmərsiz ayrılan tərəflərdən İpek Filiz Yazıcının fitness məşqçisi və bloqer İhsan Taha Torğutla yeni eşqə başladığı ortaya çıxıb. Torğutun sosial şəbəkə hesabında aktrisa ilə birgə fotolarını dərə etməsi ilə gizli qalan münasibət üzə çıxıb.

Bu hadisədən dərhal sonra Ufuk Beydemirin sosial şəbəkələrdə yayılan şəkillərin altına yazdığı reaksiya diqqətdən qaçmayıb. Müğənni keçmiş həyat yoldaşının yeni seçiminə istehza edərək: “Atdan düşüb eşşəyə minən keçmiş sevgili üçün də bir video gələcəkmi, kral?” şərhini qeyd edib.