Tünzalə Ağayeva və Nəsimidən möhtəşəm duet təqdimatı

Xalq artisti Tünzalə Ağayeva və Nəsimi Məmmədovun uzun zamandır gözlənilən yeni dueti ‘Sənin üçün doğulmuşam’ təqdim edildi. Bu layihə çərçivəsində sənətçilər kamera qarşısına keçərək klip çəkdiriblər. Klipin rejissoru Emin Muradov, quruluşçu operatoru Murad Muradlı, art direktoru isə Zaur Abdullayevdir.

Minval.info xəbər verir ki, mahnının musiqisi Fərid Kərimliyə, sözləri isə Tural Xaniyə aiddir. Aranjımanı Samir Soltanov, miks və masterinqi Emin Kərim tərəfindən həyata keçirilib. Klipdə Tünzalə Ağayevanın geyimi ‘Khayaly Couture’ tərəfindən hazırlanıb. Onun saç düzümünü stilist Fərid Bağırov, makiyajını isə Rəmalə Qasımova edib.

Layihənin direktorları Yalçın Cabbarov və Azər Kərimovdur. Bu yeni duet musiqi sevərlərin böyük marağına səbəb olub.