Tünzalə: “Yıxılmağım bədbəxt qisimləri sevindiribsə...” – Video

Xalq artisti Tünzalə Ağayeva İTV-nin efirində yıxılmasının sosial şəbəkədə müzakirə olunmasına münasibət bildirib.

Minval.info xəbər verir ki, əvvəlcə sənətçi sözügedən kadrları səhifəsində paylaşaraq  “Deyirəm ki, ancaq belə yıxılmaq olsun. Gördüm ki, bu videonu yaman yayırlar, daha keçib, qoy elə məndən yayılsın”, – deyə şərh yazıb.

T. Ağayeva daha sonra efirdə yıxılmasına sevinənlərə ismarış yollayıb:

“Mənim məhz bu cür yıxılmağım böyük kompleksi olanları, həyatda özünü tapmayanları, bir sözlə, bədbəxt qisimləri sevindiribsə, nə mutlu mənə…Bir anlıq da olsa, özünüzə “güvəniniz” yarandı. Lap yazığım gəldi. Ləyaqət, şərəf yıxılmasın, onlar sonra nə yazıq ki, qalxmırlar. Belə yıxılıb sonra ucalmaq gözəl hissdir”.