Tolik: "Türkiyəli məşhurları ölkəyə gətirtməmək, ya da onlara qadağa qoymaq lazımdır"

“Murat Boz 30, Fərhad Göçər 50 min dollara…” – Tolik səs-küylü toydan danışdı

“Murat Boz Bakıda canlı ifa etsəydi, böyük komanda ilə gəlsəydi, 120 min dollar tələb edərdi. Amma o fonoqrama ilə oxudu. Burada 30 min dollara yaxın qonorar ala bilər. Fərhat Göçər isə ansambl ilə birlikdə 50 min dollara gəlir”.

Bu sözləri minval.info saytına açıqlamasında prodüser Tolik deyib. Səs-küylü toydan danışan prodüser qiymətlərin şişirdildiyini qeyd edib: “Hər müğənninin qiyməti bəllidir. Jurnalistlərin qiyməti şişirtməsi məni narahat edir. Hande Yener, Murat Boz, Hadisə, Sibel Can, Fərhad Göçər Türkiyədə çox ucuz qiymətə 50, 100 min lirəyə toya gedirlər. Bakıya isə baha qiymətə gəlirlər. Çünki bizim bəzi acgöz məmurlar vaxtilə onlara yüksək məbləğ verərək bu vəziyyətə gətiriblər. Bir il türkiyəli məşhurları ölkəyə gətirtməmək, ya da onlara qadağa qoymaq lazımdır. O zaman az məbləğə də Bakıya gələcəklər”.

Minval.İnfo