Tbilisidə yaşayış binasında partlayış olub, yaralılar var

Gürcüstanın paytaxtı Tbilisi şəhərinin Vazisubani rayonunda çoxmənzilli yaşayış binasında yerləşən mənzillərin birində baş verən partlayış nəticəsində beş nəfər xəsarət alıb.

Minval.info xəbər verir ki, bu barədə Gürcüstanın Daxili İşlər Nazirliyinin Fövqəladə Halların idarə olunması Departamentinin mətbuat xidməti məlumat yayıb.

İlkin ehtimala görə, partlayışa səbəb qaz sızması olub. Partlayış dalğası mənzilin divarlarının bir hissəsini uçurub, həmçinin onun yanında dayanan avtomobillərin şüşələrini sındırıb.

ƏLAQƏLİ

Bunu da oxu

Rusiya Xəzəri təhlükəli bölgəyə çevirir

11.10.2022 - 13:37

Partlayışdan sonra yanğın baş verib, yanğın tez bir zamanda söndürülüb. Xilasedicilər təhlükəsizlik məqsədilə ev sakinlərini təxliyyə ediblər. Onlar otellərdə gecələyəcəklər.

Xəsarət alanlardan biri yanıq xəsarətləri ilə xəstəxanaya yerləşdirilib. Digərləri yüngül xəsarət alıblar.