Tarakan ferması ilə aylıq 3000 dollar qazanc!

Taylandın Fitsanulok əyalətində yaşayan sakinlər, Yom çayında balıq tutmaq üçün tarakanları ən qiymətli yem kimi istifadə edirlər. Bu marağı görən Natalia Amahashimae adlı yerli iş adamı, öz tarakan fermasını quraraq bu sahədə uğur qazanıb.

Minval.info xəbər verir ki, Natalia, tarakanları yüksək keyfiyyətli toyuq yemi və təmiz su ilə bəsləyərək yetişdirir. Fermada yetişdirilən tarakanlar, vəhşi tarakanlardan fərqli olaraq, çirkli zibillə qidalanmır. Bu səbəbdən də onların keyfiyyəti daha yüksək olur.

Yetişdirdiyi tarakanları hər biri təxminən 50 ədəd olmaqla butulkalara dolduraraq satır. Hər butulkanın qiyməti 4 dollar təşkil edir. Natalia, aylıq gəlirinin təxminən 3000 dollar olduğunu və tarakanlara olan tələbatın yüksək olduğunu bildirir. Bu səbəbdən də biznesini genişləndirmək barədə düşünür.