Tanınmış azərbaycanlı müğənninin maşını soyuldu - FOTO
“Eurovision 2014” təmsilçimiz Dilarə Kazımovanın maşınına hücum olunub.
Belə ki, o, “Audi” markalı avtomobilini Teymur Elçin küçəsində yaşadığı binanın qarşısında saxlayıb.
Gecə saatlarında naməlum şəxs Kazımovanın 90 ** 527 nömrəli maşınının şüşəsini sındıraraq “bardaçok”dan 2 min manat oğurlayıb.
Məsələ ilə bağlı oxu.Az-a danışan Dilarə baş verən olayı təsdiqləyib.
“Ayın 7-si gecə saat 2-də studiyadan evə gəldim. Həmişəki yerdə maşınımı saxladım. Bundan öncə də avtomobilimdə dəfələrlə pul saxlamışam. Heç bir şey olmayıb. Saat 9-da həmin 2 min manat pulu başqasına verməli idim. İnanmırdım ki, 7 saat ərzində bu pulu oğurlayarlar. Dünən saat 8-də bizə dedilər ki, avtomobilin sağ şüşəsini sındırıblar. Aparılan təkcə pul deyil. Avtomobilin içindən bahalı parfüm, üç ədəd eynək də götürüblər”.
Dilarə bildirib ki, şikayəti bu gün səhər yox, dünən edib:
“Dünən səhər biz şikayət etmək üçün polisə yollandıq. Orada bizə dedilər ki, analoji hal 5 gün öncə də təkrarlanıb. Bizdən öncə iki maşını da sındırıblar. Bunu bilsəydim, pulu maşında qoymazdım. Notbukumu da avtomobildə qoymaq istəyirdim, sonra fikrimi dəyişdim”.
Kazımova məsələ ilə bağlı araşdırmanın getdiyini bildirib:
“Cinayət işi açılıb. Dünən ekspertlər də gəlib, baxış keçirdilər. İnanıram ki, tapacaqlar”.
Ən son xəbərləri bizim sosial media səhifələrimizdə izləyin!
Ölkədən və dünyadan ən sürətli canlı yayımları qaçırmamaq üçün bizə abunə olun:
OXŞAR XƏBƏRLƏR
Mehriban Xanlarova: "TikTok"da dilənmirəm, ünsiyyət qururam
Vanlı Kara Haydarın milyonluq qızılları araşdırılır
Azersun uşaqları "yenidən məktəbə" dəvət edir
Bakıda məktəb qalmaqalı: Şagirdlər kənarlaşdırıldı
Mehriban Xanlarova: "TikTok-da dilənmirəm, iş axtarıram
Oqtay Mehdiyev: Sənət və şəxsi həyat qarışmamalıdır
Bəhram Bağırzadənin uşaqlıq xatirələri: 40 il əvvəlki foto
