Tanınmış aparıcının 2 yaşlı oğlunu dayəsi döyüb: "Uşağın qulağının pərdəsi zədələnib"

Tanınmış teleaparıcı Seva Camalovanın oğlunu dayəsi döyüb.

Minval.İnfo xəbər verir ki, bu barədə məlumatı aparıcı özü verib. Onun sözlərinə görə, dayəsi oğlunu döyüb: “2 ilə yaxındır oğluma dayə baxırdı. Tanışlıq sayəsində tapmışdıq. Çox güvənirdik. Amma zamanla gördüm ki, heç kimə etibar yoxdur. İki gün qabaq oğlum Muradı necə əli ilə vurubsa, uşağın qulağının pərdəsi zədələnib.

Həkimlər, müalicələr və ən əsası da uşaqda baş verən psixoloji travma… Heç üzr də istəmədi. Bir insana bu qədər dəyər verəsən, ailənin bir üzvü kimi davranasan və sonda 2 yaşlı uşağını vura… İki yaşlı uşağa necə əl qaldırmaq olar?”

Minval.İnfo