Tərtərdə traktor aşdı, sürücü xəstəxanalıq oldu

Tərtər rayonunda traktorun aşması nəticəsində bir nəfər xəsarət alıb.

“Qafqazinfo” xəbər verir ki, hadisə rayonun Sarov kəndində baş verib.

Kənd sakini Adil Əliyevin idarə etdiyi “Belarus” markalı traktor idarəetməni itirərək aşıb. Nəticədə A. Əliyev müxtəlif dərəcəli ağır xəsarət alıb. Yaralı ilk öncə Tərtər rayon mərkəzi xəstəxanasına yerləşdirilib. Xəstənin vəziyyəti ağır olduğu üçün Bərdə rayon mərkəzi xəstəxanasının travmatologiya şöbəsinə göndərilib. Həkimlər onun vəziyyətinin orta ağır olduğu bildirir.

Faktla  bağlı araşdırma aparılır