“Survivor”da sabah Pərviz səsverməyə çıxacaq

Türkiyənin TV8 kanalında yayımlanan “Survivor” yarışmasında azərbaycanlı idmançı Pərviz Abdullayev səsverməyə çıxacaq.

Minval.info xəbər verir ki, ötən buraxılışda “Məşhurlar” komandası “Könüllülər”ə “Toxunulmazlıq” oyununda uduzub. Bundan sonra komanda üzvləri “Məşhurlardan” getməli olan iki namizədi seçib.

Ən çox “getsin” deyilənlər azərbaycanlı kikboksçu Pərviz Abdullayev və Ezgi Hocaoğlu olub. Ezgi getməsi üçün səs veriləcəyini gözlədiyini desə də, Pərvizi bu nəticə təəccübləndirib:

“Anlamadım ki, adım niyə çıxdı? Gözləmirdim. Xeyirlisi olsun, hər kəsin dəstəyini gözləyirəm”.

Qeyd edək ki, sabahkı buraxılışda hər iki iştirakçı səsverməyə çıxacaq və ən az səs yığan yarışı tərk edəcək.

https://www.youtube.com/watch?v=eoz-wzGh3cc&feature=emb_title