Süni intellekt: Təhlükəsizlik və tənzimləmə çağırışları!

Süni intellektin inkişafı ilə bağlı narahatlıqlar artmaqdadır. “OpenAI” şirkətinin baş direktoru Sam Altman, süni intellektin yaratdığı risklərin ciddiliyini vurğulayaraq, bu texnologiyanın mənfi nəticələrinin əvvəlcədən görülməsinin daha da asanlaşdığını bildirib.

Minval.info xəbər verir ki, Altman, süni intellekt şirkətlərinin təhlükəsizlik və insan dəyərlərinə uyğunluq məsələlərini modellərin inkişafından daha sürətli şəkildə təmin etməli olduğunu qeyd edib. Əks halda, bu texnologiyanın inkişafının yavaşladılması və ya tamamilə dayandırılması zərurəti yarana bilər.

ABŞ-da süni intellektin tənzimlənməsi ilə bağlı müzakirələr davam edir. “Nvidia” şirkətinin baş direktoru Jensen Huang, yeni qanunlara ehtiyac olmadığını və təhlükəsizliyin mühəndislik məsələsi olduğunu bildirib. “Anthropic” rəhbərlərindən Jack Clark isə süni intellektin nəzarətsiz buraxılmasının ciddi risklər yarada biləcəyini deyib.