Sülhməramlıların erməni gənclərə təlim keçməsinin səbəbi... - Şərh - VİDEO

Ermənistandan Qarabağa silah daşınmasına yardım etmələri azmış kimi sülhməramlılar ötən gün Qarabağdakı mülki erməni əhaliyə hərbi təlim keçiblər. Ermənistan KİV-ə açıqlama verən erməni yeniyetmələr təlim zamanı düşmənə necə zərbə endirməyi öyrəndiklərini bildiriblər. Beləliklə, sülhməramlılar Qarabağda sülhü təmin etmək əvəzinə separatçı əhval-ruhiyyəli erməniləri Azərbaycana qarşı döyüşə hazırlayırlar.

“Rusiya sülhməramlılarının işi müvəqqəti yerləşdikləri ərazidə erməniləri tərksilah etməkdir. Lakin onlar bunu etməkdənsə, əksinə fəaliyyət göstərirlər. Sülhməramlıların görəcəyi kifayət qədər iş var. Görünür, bu işlərdən yayınmaq üçün müxtəlif bəhanələr tapılır. Burada kiminsə xoşuna gəlmək üçün müxtəlif proyekt və layihələr həyata keçirirlər”.

Onun sözlərinə görə, Azərbaycanın yeni yüksəkliklər əldə etməsi həm Ermənistan, həm də Rusiyanı narahat edir:

“Laçın yolunun Azərbaycan tərəfindən nəzarətə götürülməsi erməni cəmiyyəti və Rusiya sülhməramlılarının imicinə ciddi şəkildə mənfi təsir göstərir. Ona görə də bu imici yaxşılaşdırmaq üçün dəridən-qabıqdan çıxırlar. Azərbaycan bütün bu iradları sülhməramlıların missiyası bitənə yaxın açıq şəkildə bildirəcək. Sülhməramlıların gələcək fəaliyyəti ilə bağlı açıq sual qoyacağıq. Bu 2025-ci ildə əsas arqumentlərdən birinə çevriləcək”.