Sosial media fenomeni Danla Bilic son paylaşımında başına gələn hadisədən danışıb.

Minval.info xəbər verir ki, o, bəzi izləyicilərinin evinə qədər gəldiyini bildirib.

Bilicin sözlərinə görə, izləyicilərin bəzisi binanın təhlükəsizlik xidmətinə “kuryerəm” deyərək binaya soxulub:

“Bu, son həddir. Əgər bir də kimsə məni və dostlarımı narahat etsə, cavabını verəcəyəm. Bir də kimsə mənim ünvanımı tapıb kuryer adı ilə evimə gəlsə, nəzakətli davranmayacağam. Həmin şəxsə səslənirəm: aylardır manyak kimi mesaj yazırsan, dostlarımın şəxsi nömrələrini tapırsan və mənə zəng edirsən, amma səsimi çıxarmıram. Bu artıq son hədd idi. Bir də ən kiçik mətnlə məni və ya dostlarımı narahat etsən, həqiqətən səninlə başqa cür danışacağam”.