Sarıbaşın unudulmuş yolları: Keçilməz çaylar və şirin arılar diyarı

Sarıbaş kəndinə gedən yolun başlanğıc nöqtəsini tapmaq asan deyil. Yol boyu heç bir işarə və ya lövhə yoxdur.

Yolun sonu isə hər kəsə məlumdur: çayın o biri tərəfində, dağın ətəyində. Oradan irəliyə yol yoxdur.

Minval.info xəbər verir ki, İlisudan sonra asfalt yol yox olur və daşlı yol başlayır, bir müddət Kürmükçayın yatağı ilə paralel uzanır. Uçurumun kənarındakı dar yol, sanki çayın içərisinə doğru aparır.

ƏLAQƏLİ

Bunu da oxu

Türkiyə millisi İtaliyaya qarşı böyük məğlubiyyət yaşadı

29.09.2026 - 08:31

Yay aylarında suyun səviyyəsi azalsa da, Kürmükçayın keçilməsi hələ də çətindir. Çayın müxtəlif qolları var və hansı qoldan keçəcəyinizi bilmək çətindir. Suyun dərinliyi və altındakı daşlar görünmür, hansı daşın üzərindən keçmək mümkün olduğunu anlamaq isə daha da çətindir.

Arxadan gələn köhnə UAZ-ın siqnalı bizi dayandırır. Yanlış yoldayıq. Yerli sürücü əl işarəsi ilə geri dönməyimizi bildirir.

Düşünürəm ki, Sarıbaşın çətin yolu əslində bu çaydır. Burada bir körpü olsaydı, kənd bu qədər əlçatmaz olmazdı.

ƏLAQƏLİ

Bunu da oxu

"Şamaxı" klubunun diktoru Yaqub Rəhimli dünyasını dəyişdi

28.09.2026 - 18:10

Çayı keçdikdən sonra yamaclarda yerləşən arı pətəkləri təbiətə şirinlik qatır. Balın dadını damağımda hiss edirəm.

Sonra daş yol yenidən çayla üz-üzə gəlir və dağın döşünə dolanır.

Bir tərəfdə dərin kanyon, o biri tərəfdə sıx meşə… Və birdən dağların arasında, sanki çayın unutduğu kiçik bir ada görünür – Sarıbaş.

ƏLAQƏLİ

Bunu da oxu

Azərbaycanın 17 yaşlı qızlardan ibarət yığması İrlandiyaya məğlub oldu

28.09.2026 - 17:21

Kəndin girişində iki şəhidin şəkli qarşılayır. Bu qədər ucqar və kiçik bir kəndin vətən uğrunda iki oğul verməsi nəfəsimi kəsir.