Samir Bağırov uzun müddət sonra efirə çıxdı, reper onu "əfsanə" adlandırdı - VİDEO

ATV telekanalında yayımlanan “V element” verilişində müğənni Samir Bağırov “əfsanə” kimi təqdim edilib.

Minval.info xəbər verir ki, proqramın aparıcılarından biri reper ABD Malik onu belə adlandırıb.

Veriliş başlayan kimi “Dəyirman” qrupunun keçmiş üzvü müğənnini təqdim edərkən belə deyib:

“Əziz tamaşaçılar, bu gün bizim studiyamızda əfsanə var. Əfsanə kimdir? Samir Bağırov”.

Aparıcılardan biri isə “2018-ci il Samir Bağırov ili olsun” – deyib.

Qeyd edək ki, Samir Bağırov homoseksual olduğunu etiraf edib. Bununla əlaqədar təzyiqlərə tab gətirə bilməyən müğənni şou-biznesdən bir müddət uzaqlaşıb.

Minval.info