Yunanıstan və Danimarka şahzadəsi Filipin Nina Florla ikinci toyu baş tutub.

Minval.info xəbər verir ki, mərasim ötən şənbə Afinada gerçəkləşib. Toyda iştirak edən qonaqlar arasında diqqət çəkən isə uzun müddətdir ictimaiyyət arasında görünməyən milyarder Roman Abramoviçin keçmiş həyat yoldaşı Daşa Jukova olub. O, toya əri Stavros Niarhosla qatılıb.

Yeni evlənənləri təbrik etmək üçün şahzadə Beatris və onun həyat yoldaşı Eduardo Mapelli-Mozzi, İspaniya kraliçası Sofiya, Yunanıstan kralı II Konstantin və başqaları da qonaqlar arasında yer alıb.

Qeyd edək ki, cütlüyün keçən ilin sonunda da toyları olub. Pandemiyaya görə yalnız yaxınlarının iştirakı ilə mərasim təşkil edən ikili bu dəfə daha təmtəraqlı mərasim keçirib.

Nina isveçrəli milyarder Tomas Floranın qızıdır.